У Вікіпедыі ёсць артыкулы пра іншых асоб з прозвішчам Бяляеў. Сяргей Генадзевіч Бяляеў (нар. 25 кастрычніка 1961, в. Адрыжын, Іванаўскі раён, Брэсцкая вобласць) — беларускі архітэктар.
Скончыў у 1984 годзе архітэктурны факультэт БПІ па спецыяльнасці «Архітэктура» (выкладчыкі архітэктурных дысцыплін А. А. Воінаў, У. А. Чантурыя, У. В. Трацэўскі, Я. С. Панамарова, С. Д. Філімонаў (кіраўнік дыпломнага праекта)).
З 1984 года працаваў у праектным бюро пры Упраўленні архітэктуры і горадабудаўніцтва Магілёўскага аблвыканкама, з 1991 года ў ААТ «Магілёўграмадзянпраект», з 2011 па 2016 год — галоўны архітэктар ААТ «Магілёўграмадзянпраект». Галоўны архітэктар ТАА НВФ «Экалогія» з 2016 года.
Член БСА з 2003 года. Старшыня Магілёўскай абласной арганізацыі БСА, член Савета БСА з 2016 па 2019 год.
Асноўныя працы: рэканструкцыя будынка аўтавакзала ў г. Магілёве (2003); кіраўнік творчага калектыва па праектаванні генплана і аб’ектаў сацыяльнага прызначэння (2005—2006, у сааўтарстве з Ю. У. Слесаравым) і гасцініца (2008, у сааўтарстве з Ю. У. Слесаравым, Юркаўцом, Т. Г. Петухоўскай) у в. Александрыя Шклоўскага раёна; ФАК у г.п. Бялынічы, г.п. Краснаполле, г. Касцюковічы (2007—2009, у сааўтарстве з Ю. У. Слесаравым); Палац гімнастыкі (2009); гасцініца «Губернская» ў г. Магілёве (2005); комплекс будынкаў коннага манежа ў в. Гарадок Магілёўскага раёна (2006); філіял АСБ «Беларусбанк» у г. Касцюковічы; жылыя дамы ў раёне «Куркіна» ў г. Маскве; ГЦ «Maximus» у г. Магілёве; генплан забудовы мікрараёна «Спадарожнік» (2005, у сааўтарстве з Т. Г. Петухоўскай), ПДП жылога раёна «Усходні» (2010); добраўпарадкаванне Дняпроўскага бульвара (2007); жылыя дамы па пр. Міру ў г. Магілёве (2007, у сааўтарстве з А. А. Краткоўскім); грамадскі цэнтр у в. Гарадзец Шклоўскага раёна (2006); інтэр’еры залы пасяджэнняў Дома Саветаў (2002, у сааўтарстве з Юркаўцом); жылы дом па вул. Лепяшынскага ў г. Магілёве (2007, у сааўтарстве з В. Мядзведнікавай); ФАК у г. Клімавічы (2010, у сааўтарстве з В. А. Разумавай); ФАК з аквапаркам у г.п. Круглае (2010), гісторыка-этнаграфічны музей у г. Горкі (рэканструкцыя з рэстаўрацыяй, 2012); жылы корпус з медблокам Чавускага псіханеўралагічнага дома-інтэрната (2011, аўтар праекта з удзелам архітэктара Т. Бельскай); маладзёжны культурна-забаўляльны цэнтр у г. Горкі (2011—2012), кіраўнік творчага калектыва па праектаваннi будынку ГЗЦ «Атрыум» у г. Магiлеве (2014—2016).