У Вікіпедыі ёсць артыкулы пра іншых асоб з прозвішчам Навумовіч. Сямён Сцяпанавіч Навумо́віч[1] (нар. 15 лютага 1922, Копысь) — вучоны ў галіне траўматалогіі і артапедыі, доктар медыцынскіх навук (1973), прафесар.
Нарадзіўся ў Копысі Аршанскага павета Віцебскай губерні РСФСР (сучасны гарадскі пасёлак у Аршанскім раёне Віцебскай вобласці Беларусі). У 1951 годзе скончыў Мінскі медыцынскі інстытут і пачаў працу ў Беларускім навукова-даследчым інстытуце траўматалогіі і артапедыі Міністэрства аховы здароўя БССР. У 1973 годзе абараніў доктарскую дысертацыю на тэму «Оперативное лечение несросшихся переломов и ложных суставов шейки бедра».
С. С. Навумовічу належаць навуковыя працы па эксперыментальным пратэзаванні, хірургічнай дапамозе пры прыроджанай і набытай паталогіі тазасцегнавога сустава, пераломах і вывіхах шыйкі сцягна, прыроджаных і сістэмных захворваннях дзіцячага ўзросту, скаліёзу і інш.