.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}
Сэсэ (луганда:Ssese) — архіпелаг на паўночным захадзе возера Вікторыя ў складзе Уганды. Уключае 84 астравы, агульнай плошчай 468,3 км². Насельніцтва (2012 г.) - 66300 чал.
Сэсэ — умоўная назва дзвюх груп астравоў на паўночным захадзе возера Вікторыя. Найбуйнейшы востраў першай групы — Бугала. Ён займае плошчу 275 км² і з’яўляецца другім па велічыні на возеры пасля Укерэвэ. Другая група канцэнтруецца вакол вострава Комэ. Усяго налічваецца 84 астравы розных памераў.
Геалагічная гісторыя архіпелага шчыльна злучана з гісторыяй возера Вікторыя, якое сфарміравалася каля 400 000 гадоў таму ў выніку моцных тэктанічных зрухаў. На дне засталіся скальныя базальтавыя выступы. 18 000 - 13 000 гадоў таму азёрная катлавіна перасохла, але зноў напоўнілася вадою пасля заканчэння ледавіковага перыяда. Шматлікія рэкі скідвалі ў яе асадкавыя пароды, што запаўнялі дно і намываліся вакол скальных выступаў. Так узніклі сучасныя азёрныя астравы. Большасць астравоў Сэсэ нізкія. Аднак тут сустракаюцца скалістыя ўзняцці. Найвышэйшы пункт дасягае 1240 м.
У мінулым усе астравы былі пакрыты трапічнымі лясамі. У нашы дні лясы захаваліся толькі на малых астравах. На вялікіх астравах пераважаюць саванны і апрацаваныя землі.
У сярэднявеччы архіпелаг Сэсэ быў населены некалькімі групамі банту, якія склалі народнасць басэсе, блізкую па мове да луганда. Першае апісанне астравоў і іх жыхароў у еўрапейскай навуковай літаратуры было зроблена ў XIX ст. брытанцам Генры Мортанам Стэнлі. З 1962 г. архіпелаг у складзе незалежнай Уганды.