Сенпо́лія[3], узумбарская фіялка[3] (Saintpaulia) — род кветкавых раслін сямейства Геснерыевыя (Gesneriaceae). Адна з самых распаўсюджаных пакаёвых раслін.
Шматгадовыя травяністыя расліны вышынёй да 30 см. Сцёблы кароткія, часам сцелюцца. Лісце апушанае, на чаранках, круглаватае, часам хвалістае па краях. Кветкі адзіночныя ці ў рыхлых гронках. Плод — каробачка.
У натуральных умовах расце ў горных трапічных лясах Усходняй Афрыкі (Кенія, Танзанія).