Не блытаць з раслінай Капытнік У гэтага паняцця ёсць і іншыя значэнні, гл. Свінуха (значэнні). Свінуха, Свінушка, Капытнік[1][2] (Paxillus) — род шапкавых грыбоў сямейства свінухавых парадку балетавых.
Пладовае цела грыба — шапка на ножцы. Шапка лейкападобная з падагнутым хвалістым краем, карычнева-бураватая. Пласцінкі зыходныя. Мякаць на зломе цямнее. Ножка цыліндрычная, суцэльная. Споры эліпсоідныя, гладкія. вохрыстыя. Неядомая, мае ядавітыя рэчывы.
Пашыраны ў Еўразіі (10 відаў) і Паўночнай Амерыцы. На тэрыторыі Беларусі 4 віды свінух: свінуха ніткаватая, свінуха панусападобная (Paxillus panuoides), свінуха тонкая (Paxillus involutus) і свінуха тоўстая (Paxillus atromentosus). Сапратрофы. Трапляюцца з ліпеня па кастрычнік паасобку або групамі ў лясах на глебе або гнілой драўніне.