У Вікіпедыі ёсць артыкулы пра іншых асоб з прозвішчам Маскоў. Раміль Равільевіч Маскоў (23 лютага 1945, г. Янгі-Юль, Узбекская ССР) — беларускі архітэктар.
Скончыў Фрунзенскі політэхнічны інстытут у 1971 годзе. Працаваў у праектных арганізацыях Фрунзэ, з 1974 года — кіраўнік групы архітэктараў, галоўны архітэктар праектаў у Мінскпраекце, з 1981 г. — мастак-архітэктар Мінскага мастацка-вытворчага камбіната.
Член Саюза архітэктараў СССР з 1974 года. Пражывае ў Мінску.
Асноўныя працы: будынкі культурна-бытавога прызначэння ў Кыргызстане (1973—1975), Рэспубліканскае ўпраўленне пажарнай аховы па вул. Рэвалюцыйнай у Мінску, Дом творчасці Беларускага тэатральнага таварыства ў Астрашыцкім Гарадку (1976-80), інтэр’еры гасцініцы ў Барысаве, рэстарана «Папараць-кветка» ў Маладзечне (1981—1984).