У Вікіпедыі ёсць артыкулы пра іншых асоб з прозвішчам Драйшак. Раймунд Драйшак (ням.: Raimund Dreyschock; 20 жніўня 1824, Жакі (чэшск.: Žáky, ням.: Zak) каля Часлава — 6 лютага 1869, Лейпцыг) — чэшскі скрыпач. Брат піяніста Аляксандра Драйшака, дзядзька кампазітара Здэнека Фібіха.
Вучыўся ў Пражскай кансерваторыі ў Фрыдрыха Вільгельма Піксіса. З 1845 года інтэнсіўна гастраляваў па Еўропе, у тым ліку разам з братам. У 1850 годзе пасяліўся ў Лейпцыгу, амаль адразу атрымаўшы ў аркестры Гевандхаўза месца віцэ-канцэртмайстра (за пультам з Фердынандам Давідам). З 1860 года таксама прафесар скрыпкі ў Лейпцыгскай кансерваторыі.
Аўтар салонных п’ес для скрыпкі і фартэпіяна.
Быў жанаты на спявачцы Элізабет Нозэ (1832—1911); іх сын Фелікс Драйшак таксама стаў кампазітарам і музычным педагогам.