Ражэ Вадзім (фр.: Roger Vadim; 26 студзеня 1928, Парыж — 11 лютага 2000) — французскі кінарэжысёр, сцэнарыст, акцёр
і прадзюсар.
Па паходжанні рускі, сапр. імя Ражэ Вадзім Плямяннікаў.
Адзін з пачынальнікаў французскай «новай хвалі». Фільмы Ражэ Вадзіма адкрыта эпатажныя сваім «вызваленым эратызмам» («I бог стварыў жанчыну», «Небяспечныя сувязі», «Барбарэла»). Адкрыў для кінематографа Брыжыт Бардо, якая пазней выконвала галоўныя ролі ў шэрагу яго фільмаў, і многіх іншых кіназорак. Здымаў фільмы ў ЗША («Верная жонка»). Аўтар аўтабіяграфічных кніг «Д’ябальскія мемуары» і «Тры мае жонкі. Бардо, Дэнёў, Фонда».