Прыволжскае ўзвышша
Прыволжскае ўзвышша — узвышша ўздоўж правага берагу Волгі, ад горада Ніжняга Ноўгарада да горада Валгаграда. Вышыня да 375 м (Жыгулі).
Складзенае мезазойскімі і палеагенавымі пяскамі, глінамі, мергелямі, мелам, апокамі. На поўначы і ў месцах тэктанічных валаў і купалаў выходзяць палеазойскія вапнякі і даламіты. Усходнія і паўночныя схілы Прыволжскага ўзвышша стромкія, заходні схіл спадзісты. Пераважае эразійны рэльеф, ускладнены ўздоўж берагу Волгі апоўзнямі; у шэрагу месцаў развіты карст; лесастэпавыя і стэпавыя ландшафты. Тэрыторыя моцна разараная (асноўныя культуры: пшаніца, кукуруза).
Карысныя выкапні: нафта, гаручыя газы і сланцы, фасфарыты, мінеральныя будаўнічыя матэрыялы.
Літаратура
- Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш.. — Мн.: БелЭн, 2001. — Т. 13. — С. 59. — 576 с. — 10 000 экз. — ISBN 985-11-0216-4 (Т. 13).
Спасылкі
Тэмы гэтай старонкі (8):Катэгорыя·Геаграфія Валгаградскай вобласці
Катэгорыя·Геаграфія Самарскай вобласці
Катэгорыя·Геаграфія Ніжагародскай вобласці
Катэгорыя·Геаграфія Пензенскай вобласці
Катэгорыя·Геаграфія Саратаўскай вобласці
Катэгорыя·Геаграфія Чувашыі
Катэгорыя·Узвышшы Расіі
Катэгорыя·Узвышшы Татарстана