Прыбярэ́жнік[3] (Littorella) — род кветкавых раслін сямейства Трыпутнікавыя (Plantaginaceae), які ўтрымлівае 2[4] або 3[5] віды, што насяляюць у вадзе.
Род налічвае 3 віды[6].
Некаторыя аўтары лічаць L. uniflora і L. americana адным відам, але малекулярныя дадзеныя паказваюць, што L. americana бліжэй да L. australis чым да L. uniflora, што сведчыць на карысць прызнання трох асобных відаў. Іншыя меркаванні, такія як больш шырокі арэал і больш частае цвіценне L. uniflora таксама сведчаць пра наяўнасць трох відаў. Цалкам верагодна, што род з’явіўся ў Еўропе і спачатку распаўсюдзіўся па Паўночнай Амерыцы, а адтуль і ў Паўднёвай Амерыцы, прычым абодва рассялення адбываліся ў плейстацэне ці пазней[5].