Пол Брус Коркум (англ.: Paul Bruce Corkum, нар. 30 кастрычніка 1943, Канада) — канадскі фізік у галіне атасекунднай(англ.) бел. і лазернай фізікі.[2] Узначальвае сумесную кафедру Атаўскага ўніверсітэта і NRC(руск.) бел. у галіне атасекунднай фатонікі.[2]
Член Каралеўскага таварыства Канады (1996), Лонданскага каралеўскага таварыства (2005)[3], замежны член Нацыянальнай акадэміі навук ЗША (2009)[4], Расійскай акадэміі навук (2016)[5].
Коркум нарадзіўся ў Сент-Джоне, Нью-Брансуік.[6]
У 1965 годзе атрымаў ступень бакалаўра навук ва Універсітэце Акадыя, Новая Шатландыя, а таксама ступень магістра ў 1967 годзе і доктарскую ступень у 1972 годзе па тэарэтычнай фізіцы ў Ліхайскім універсітэце, штат Пенсільванія. Атрымаў некалькі ўзнагарод за працу ў галіне лазернай фізіцы.[6][7]
Коркум адначасова тэарэтык і эксперыментатар. У 1980-я гады распрацаваў мадэль іанізацыі атамаў (утварэння плазмы) і на гэтай аснове прапанаваў новы падыход да стварэння рэнтгенаўскіх лазераў(руск.) бел. (Іанізацыя аптычнага поля, OFI). Лазеры OFI сёння з’яўляюцца адной з найболей важных распрацовак у вобласці даследаванняў рэнтгенаўскіх лазераў.
З 1997 па 2009 год займаў пасаду ад’юнкт-прафесара фізікі ў Мак-Мастэрскім універсітэце.