Папараць грабеньчатая, Шчытоўнік грабеньчаты[1] (Dryopteris cristata) — від травяністых раслін сямейства шчытоўнікавыя (Dryopteridaceae), распаўсюджаны ва ўмераных абласцях Еўропы і Паўночнай Амерыкі.
Шматгадовая расліна 30-80 см вышынёй. Сегменты 1-га парадку ў контуры ланцэтныя, на верхавіне рэзка звужаныя (у спараносных лісткоў). У жывых раслін размешчаны перпендыкулярна да сярэдзіны стрыжня або нават звернутыя ніжняй паверхняй уверх. Сегментаў 2-га парадку не больш за 15 пар. Лісткі дыморфныя: стэрыльныя павіслыя, карацей прамых спараносных. Сорусы шматлікія, размешчаныя на б. ч. лістка. Стэрыльных лісткоў некалькі, зелёныя ўсю зіму. Хвосцік ліста лускаваты, па меншай меры, пры аснаванні, жаўтлява-карычневы. 2n = 164[2].
Еўропа: Эстонія, Расія, Украіна, Аўстрыя, Ліхтэнштэйн, Бельгія, Чэхія, Германія, Венгрыя, Польшча, Славакія, Данія, Фінляндыя, Нарвегія, Швецыя, Вялікабрытанія, Італія, Румынія, Сербія [у тым ліку Косава], Славенія, Францыя, Іспанія; Паўночная Амерыка: Канада, ЗША; таксама культывуецца[3][4]. Засяляе балоты, багністыя лясы або адкрытыя кустовыя водна-балотныя ўгоддзі[2].