Пальчатакарэннік мяса-чырвоны[4], Ятрышнік шыракалісты[5] (Dactylorhiza incarnata) — від шматгадовых травяністых раслін роду Пальчатакарэннік (Dactylorhiza) сямейства Архідныя (Orchidaceae).
Ятрышнік шыракалісты, чырвонае зелле[6], кукаўка[7], язвежнік[8], салеп, салепны корань, таўкан[9], кукулка, кукулька, кукушка[10], канвалія лугавая[5].
Сцябло, 25-60 см. вышынёй, у суквецці да 50 кветак. Ёсць некалькі падвідаў, а таксама гібрыды.
Сустракаецца паўсюдна ў Еўропе і Азіі: на ўсходзе — у Манголіі, Расіі, Турцыі, Румыніі, у цэнтральнай частцы — у Венгрыі, Аўстрыі, Швейцарыі, Германіі, Бельгіі і Нідэрландах, на захадзе — у Францыі, Вялікабрытаніі і Ірландыі. Таксама трапляецца ў Нарвегіі і Швецыі.
Расце на сырых лугах, да 2100 м над узроўнем мора.