wd wp Пошук: ⬜

Павел Уладзіміравіч Несцяровіч

У Вікіпедыі ёсць артыкулы пра іншых асоб з прозвішчам Несцяровіч.

Павел Уладзіміравіч Несцяровіч (8 ліпеня 1913, вёска Енцы — 7 верасня 1974, Гомель) — удзельнік Вялікай Айчыннай вайны. Герой Савецкага Саюза (1943).

Біяграфія

П. У. Несцяровіч нарадзіўся ў вёсцы Енцы (зараз у Кармянскі раён Гомельскай вобласці Беларусі). Працаваў на прыіску (у сучасным Зейскім раёне Амурскай вобласці Расіі)[1]. У Чырвонай Арміі з 1941 года. Удзельнік баявых дзеянняў на франтах Вялікай Айчыннай вайны з лістапада[1] 1943 г. Удзельнік Курскай бітвы, баёў ва Усходняй Прусіі, за вызваленне Беларусі, Польшчы. Сапёр 4-га асобнага сапёрнага батальёна (193-я стралковая дывізія, 65-я армія, Цэнтральны фронт) П. У. Несцяровіч вызначыўся 15 кастрычніка 1943 г. пры фарсіраванні ракі Дняпро ў раёне горада Лоеў.

Пасля дэмабілізацыі ў 1945 годзе П. У. Несцяровіч вярнуўся на радзіму. Са студзеня 1947 г. працаваў у органах Міністэрства ўнутраных спраў. Жыў у Гомелі.

Узнагароды

Медаль «Залатая Зорка»
ордэн Леніна
медаль «За баявыя заслугі»[2]
медаль «За перамогу над Германіяй у Вялікай Айчыннай вайне 1941—1945 гг.»[2]
знак «Выдатнік міліцыі»[3]

Памяць

У гонар П. У. Несцяровіча названая вуліца ў вёсцы Енцы[2].
Мемарыяльная дошка на будынку УУС Гомельскага аблвыканкама ў Гомелі[2].
Імя героя ўвекавечана на Алеі Славы ў цэнтральным скверы гарадскога пасёлка Карма [2].

Зноскі

1 2 Павел Уладзіміравіч Несцяровіч на сайце «Героі краіны»
1 2 3 4 5 Павел Нестерович — Герой Советского Союза / Сайт ДУА «Ворнаўская сярэдняя школа» Архівавана 1 верасня 2021.
↑ Михаил ДЕДОВЕЦ В Книге почёта. И герой, и отличник // Газета «На страже», 2012 г.(недаступная спасылка)

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8. — С. 299.

Спасылкі

Павел Уладзіміравіч Несцяровіч на сайце «Героі краіны»
Павел Нестерович — Герой Советского Союза Архівавана 1 верасня 2021. / Сайт ДУА «Ворнаўская сярэдняя школа»
Михаил ДЕДОВЕЦ В Книге почёта. И герой, и отличник // Газета «На страже», 2012 г.(недаступная спасылка) (руск.)
Октябрь 1943-го: широким фронтом // Советская Белоруссия № 190 (24327). Среда, 9 октября 2013 года. (руск.)