Наша Партыя (НП) — палітычная партыя Беларусі, якая знаходзіцца ў працэсе стварэння. Ініцыятарамі стварэння партыі сталі грамадзяне Беларусі, да якіх далучыўся палітык, кандыдат у прэзідэнты на выбарах 2020 года, сустаршыня грамадскага аб’яднання «Гавары праўду» Андрэй Дзмітрыеў.
Ініціыятары стварэння партыі прынялі рашэнне ўзяць за аснову праграмы партыі перадвыбарчую праграму Андрэя Дзмітрыева[1]
30 чэрвеня на анлайн-з’ездзе быў афіцыйна створаны арганізацыйны камітэт «Нашай партыі»[2]. Яго чальцамі з’яўляюцца прыблізна 300 чалавек[3].
Па дадзеных на 21 жнівеня 2021 года, далучыцца да партыі маюць жаданне больш за 900 чалавек пры неабходнай для рэгістрацыі колькасці ў 1000 чалавек[4]. Устаноўчы з’езд плануецца правесці тады, калі колькасць зарэгістраваных жадаючых далучыцца да партыі складзе мінімум 1500—2000 чалавек[3][5].
Па словах Андрэя Дзмітрыева, прынцыповае рашэнне аб стварэнні палітычнай партыі было прынята яшчэ ў 2016 годзе на вялікім форуме «Гавары праўду». А ў 2020 годзе адбылася палітызацыя грамадства, і «шмат хто пачаў думаць, як рабіць добрыя рэчы для краіны, што можна дзейнічаць і не толькі праз вуліцу». Андрэй Дзмітрыеў лічыць, што час для стварэння партыі надышоў таму, што «людзі гатовыя аб’ядноўвацца, дзейнічаць, гаварыць пра палітыку». Да таго ж, па словах палітыка, грамадства павінна быць падрыхтавана да раптоўных змен, а палітычная партыя — «гэта цывілізаваны ўдзел у палітыцы»[3][6][7][8].
Сябры аргкамітэта самастойна распрацавалі Статут партыі. Тым не менш праца яшчэ не скончана, ідзе адкрыта і ўсе, хто падзяляе падыходы і прынцыпы «Нашай Партыі», могуць да яе далучыцца.
«Наша Партыя» дэкларуе наступныя прынцыпы:
— партыя будуецца па прынцыпе «грамадзяне для грамадзян»;
— Беларусь без дыктатараў, алігархаў і ідэолагаў;
— Беларусь — краіна, з якой не трэба з’язджаць у пошуках бяспекі, працы і лепшага жыцця;
— справядлівасць, павага да людзей і роўнасць усіх перад законам;
— грамадзяне павінны ўдзельнічаць у прыняцці рашэнняў у дзяржаве;
— адказнае самакіраванне, калі жыхары гарадоў і раёнаў выбіраюць мэраў і старшынь, а ўлада падсправаздачна грамадству[4]
Праграма «Нашай Партыі» распрацавана сябрамі аргкамітэта ў працоўных групах[9]. Тым не менш праца яшчэ не скончана, ідзе адкрыта і ўсе, хто падзяляе падыходы і прынцыпы «Нашай Партыі», могуць да яе далучыцца.
Укараненне сістэмы накапляльных пенсій і дадатковага пенсійнага страхавання;
Празрыстасць разліку пенсій для насельніцтва;
Пашырэнне ўдзелу грамадскіх арганізацый у сацыяльнай дапамозе насельніцтву праз дзяржаўную сацыяльную замову;
Скарачэнне ільгот за кошт павелічэння адраснай сацыяльнай падтрымкі;
Адмена «падатка на дармаедства»
Развіццё сістэмы арэнднага жылля;
Развіццё незалежнага прафсаюзнага руху і ўдасканаленне сістэмы абароны правоў працаўнікоў;
Уключэнне ў працоўны стаж: дэкрэтнага адпачынку, перыяду догляду інвалідаў першай групы і людзей састарэлага ўзросту, тэрміновай службы ва ўзброеных сілах
Кожную сераду сябры аргкамітэта «Нашай Партыі» праводзіць «Палітшколу»[5]. «Палітшкола» — гэта лекцыі-стрымы на платформе Youtube на розныя тэмы, звязаныя з палітыкай, эканомікай, сацыялогіяй, грамадазнаўствам. Пры гэтым слухачы маюць магчымасць задаваць пытанні выступоўцам.
Таксама прадстаўнікі аргкамітэта «Нашай Партыі» сталі дэлегатамі Схода народных прадстаўнікоў — незалежнай грамадзянскай ініцыятывы, якая праце ў фармаце лічбавай пляцоўкі для выражэння інтарэсаў і меркаванняў жыхароў Беларусі[5][10],