Нане́я[3], Нонэа[4] (Nonea) — род кветкавых раслін сямейства Бурачнікавыя (Boraginaceae).
Аднагадовыя і шматгадовыя травы. Сцёблы прамастойныя ці ўзыходныя, галінастыя, залозістаапушаныя. Лісце вузкае, лінейна-ланцэтнае або падоўжанае, суцэльнае, чаргаванае па даўжыні сцябла. Кветкі правільныя, белыя, жоўтыя, фіялетавыя або чырванаватыя ў завітках, сабраныя ў шчыткападобна-мяцёлчатыя суквецці. Плод — сухі арэшак.
Род уключае каля 40 відаў (20 відаў[5]). Пашыраны ў Міжземнамор’і і часткова ў Еўропе. На тэрыторыі Беларусі два віды: нанея руская (Nonea rossica), трапляецца ўздоўж дарог, на пустках, чыгуначных насыпах, і нанея цёмная (Nonea pulla)[6].