У Вікіпедыі ёсць артыкулы пра іншых асоб з прозвішчам Ткачук. Міхаіл Фёдаравіч Ткачук (15 жніўня 1934, Ленінград) — беларускі архітэктар.
Скончыў Інстытут жывапісу, скульптуры і архітэктуры ў Ленінградзе ў 1961 г. Працаваў у Ленінградскім аддзяленні Гідрапраекта, Малддзіпрабудзе, з 1965 года — галоўны архітэктар праектаў у Мінскпраекце, Белдзіпрагандлі, з 1975 года — у Мінскім мастацка-вытворчым камбінаце[1].
Член Саюза архітэктараў СССР з 1968 года. Пражывае ў Мінску[1].
Асноўныя працы (у аўтарскім калектыве): генплан Дзіўнагорска (1963), гасцініца «Турыст» у Кішынёве (1968), 9-павярховыя жылыя дамы з прыбудаванымі блокамі абслугоўвання па Ракаўскай шашы (1965), Дом мадэляў па праспекце Машэрава (1969), Камароўскі калгасны рынак (1981) у Мінску, універмаг у Нясвіжы (1969)[1], брацкая магіла савецкіх воінаў і партызан у Белаазёрску (1976, скульптар У. І. Ананька)[2], мемарыяльны комплекс «Рыленкі» ў Дуброўне (1978)[1].