wd wp Пошук: ⬜

Міхаіл Пятровіч Шкель

У Вікіпедыі ёсць артыкулы пра іншых асоб з прозвішчам Шкель.

Міхаіл Пятровіч Шкель (1 сакавіка 1918 — 2003) — вучоны ў галіне земляробства, доктар сельскагаспадарчых навук (1979).

Біяграфія

Нарадзіўся ў вёсцы Бялевічы Слуцкага павета (зараз у Слуцкім раёне Мінскай вобласці Беларусі). З 1938 годзе Чырвонаслабодскім раённым ваенным камісарыятам прызваны на службу ў Чырвоную Армію [1]. Удзельнік Вялікай Айчыннай вайны, у тым ліку на Паўднёвым фронце [1]. У 1953 годзе скончыў Львоўскі сельскагаспадарчы інстытут. З 1960 года працаваў на Мінскай абласной сельскагаспадарчай доследнай станцыі, з 1963 года — у Беларускім навукова-даследчым інстытуце земляробства і селекцыі.

Навуковая дзейнасць

Вучонаму належаць працы па выкарыстанні ўгнаенняў з мэтай павелічэння ўрадлівасці дзярнова-падзолістых глеб і інш. Распрацаваў тэарэтычныя асновы выкарыстання серы ў якасці элемента жыўлення раслін ва ўмовах Беларусі і прапанаваў практычны спосаб выкарыстання серных угнаенняў.

Сярод апублікаванага:

Известь и урожай. — Мн., 1969.;
Азбука земледельца. — Мн., 1972. (разам з К. І. Доўбанам);
Применение серусодержащих удобрений. — Мн., 1979.;
Справочник агронома. — Мн., 1982. (у сааўтарстве);
Оптимальные параметры плодородия почв. — Мн., 1984. (сааўтарстве).
Эффективность серусодержащих и микроудобрений на дерново-подзолистых почвах / Г. П. Дубиковский, М. П. Шкель — Минск: БелНИИНТИ, 1981.

Узнагароды

Медаль «За баявыя заслугі» (1943)[1].

Зноскі

1 2 3 Праект «Память народа»(руск.) // Міністэрства абароны Расійскай Федэрацыі

Літаратура

Шкель Міхаіл Пятровіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8. — С. 420.

Спасылкі

Шкель, Михаил Петрович (доктор сельскохозяйственных наук ; 1918—2003) (руск.) // Нацыянальная бібліятэка Беларусі