wd wp Пошук: ⬜

Млечнік звычайны

Дупля́нка, млечнік звычайны, глады́ш (Lactarius trivialis) — шапкавы базідыяльны грыб роду Млечнік сямейства Сыраежкавыя. Ядомы.

Шапка грыба дыяметрам 5—15 см, гладкая, бліскучая, пры вільготным надвор’і становіцца слізкай. У маладых грыбоў шапка пукатая, потым пляската-ўвагнутая, з апушаным краем. Колер верхняга краю шапкі зменлівы, брудна-шараватая з вохрыста-ружаватым або фіялетавым адценнем. Мякаць ломкая, амаль белая, з фіялетава-шэрым адценнем пад скуркай, потым бураватая. Млечны сок едкі, белы, на паветры злёгку зелянее. Пах амаль адсутнічае.

Пласцінкі прырослыя або слабазыходныя, жаўтаватыя. З узростам становяцца ружавата-крэмавымі і на іх з’яўляюцца жаўтаватыя плямы. Споры амаль шарападобныя, светла-жоўтага колеру.

Ножка глыба цыліндрычная, таўшчынёй 1—3 см і даўжынёй 6—7 см, гладкая, з пустатой усярэдзіне. Ножка крыху святлей за шапку.

Млечнік звычайны пашыраны ў Еўразіі і Паўночнай Амерыцы. Расце адзіночна і групамі ў вільготных хвойных лясах, на ўскрайках балот сярод імху.

Літаратура

Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — С. 68. — 522 с. — 10 000 экз.
Природа Белоруссии: Популярная энциклопедия / Редкол.: И. П. Шамякин (гл. ред.) и др. — 2-е изд. — Мн.: БелСЭ, 1989. — С. 278. — 599 с. — 40 000 экз. — ISBN 5-85700-001-7.(руск.)
Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 170. — 192 с. — 60 000 экз.
Биологический энциклопедический словарь / Гл. ред. М. С. Гиляров; Редкол.: А. А. Баев, Г. Г. Винберг, Г. А. Заварзин и др.. — 2-е изд., исправл.. — М.: Советская энциклопедия, 1989. — С. 139. — 864 с. — 150 600 экз. — ISBN 5-85270-002-9.(руск.)

Спасылкі