Мельна[1] (польск.: Mielno, ням.: Großmöllen — Гросмёлен) — горад на паўночным захадзе Польшчы на ўзбярэжжы Балтыйскага мора. Размешчаны за 500 км на паўночны захад ад Варшавы, за 170 км на паўночны ўсход ад Шчэціна і за 200 км на захад ад Гданьска. Уваходзіць у Кашалінскі павет Заходнепаморскага ваяводства, сядзіба вяскова-гарадской гміны Мельна. Курорт. Займае плошчу 33,45 км². Насельніцтва 2,9 тыс. чалавек.