wd wp Пошук: ⬜

Маўрыцый Францішак Карп

У Вікіпедыі ёсць артыкулы пра іншых асоб з прозвішчам Карп. Маўрыцый Францішак Карп (польск.: Maurycy Franciszek Karp; 1749 — 22 кастрычніка 1817) — паэт і публіцыст, удзельнік паўстання 1794 года.

Біяграфія

Паходзіў са шляхецкага роду Карпаў уласнага герба «Карп». Нарадзіўся ў сям’і Юзафа.

Вучыўся ў Кракаве, падарожнічаў па Англіі, Францыі і Італіі. Стаў вялікім прыхільнікам Ж. Ж. Русо і пераклаў на польскую мову яго твор «Заўвагі пра польскі лад» (Варшава, 1789). Свае погляды выкладаў у друкаваных паасобку ананімных лістах і брашурах, дзе крытыкаваў шляхту за бяздзейнасць і сваркі, выступаў за наданне сялянам права набываць зямлю, апеку над сялянамі з боку судоў, выказваўся за ўвядзенне парафіяльных шляхецкіх соймікаў, якія б выбіралі дэпутатаў на павятовыя соймікі. Аднак не давяраў мяшчанству і лічыў неабходным аддзяленне гарадоў ад працэсу заканадаўства.

3 1790 года пасол на Чатырохгадовы сойм 1788—1790 гадоў, дзе прапагандаваў свае погляды, выступаў за захаванне выбарчых правоў немаёмнай шляхты і вайскоўцаў і супраць надання такіх правоў мяшчанам. Падтрымаў Канстытуцыю 3 мая 1791 года.

У час паўстання 1794 года ўвайшоў у склад Найвышэйшай Літоўскай рады, пасля ў Цэнтральнай дэпутацыі Вялікага Княства Літоўскага (член аддзела нацыянальнага паўстання). 3 1797 года член Адукацыйнай камісіі ў Вільні.

Пісаў вершы, працы па гісторыі старажытна-рымскай і сусветнай гісторыі, філасофскія трактаты, аповесці.

Зноскі

↑ Maurycy Franciszek Karp // MAK
↑ Maurycy Franciszek Karp h. własnego // Internetowy Polski Słownik Biograficzny
1 2 3 4 (unspecified title) Праверана 7 мая 2022.

Літаратура

Валерый Пазднякоў. Карпы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 792 с. — ISBN 985-11-0378-0 (т. 2), ISBN 985-11-0315-2.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх