Ганна Марыя Феліцыта Банфанці, вядомая як Мары або Марыета Банфанці[2] (1845-1921) — артыстка балета XIX стагоддзя.
Мары Банфанці нарадзілася ў Італіі.[3] У Мілане яна вучылася ў танцавальнай школе пры тэатры La Scala у Карла Блазіса, які кіраваў ёй у перыяд з 1837 па 1850. У пачатку шасцідзесятых гадоў XIX стагоддзя яна выступала ў розных італьянскіх гарадах і за мяжой, у Парыжскай оперы і Ковент-Гардэне ў Лондане.
10 верасня 1866 года адбыўся дэбют Мары Банфанці ў Нью-Ёрку ў садзе Нібла.[4] Яна была прыма-балерынай у музыкальнай пастаноўцы «Чорны жулік» (англ.: The Black Crook) ў тым самым тэатры, прэм’ера якой адбылася праз два дні. Яна з’явілася ў балеце «Сільвія» Леа Дэліба ў канцэртнай зале «Метраполітэн Алькасар» 15 ліпеня 1882 года.[5] У жніўні 1901 года Банфанці выступіла разам з Рытай Сангалі ў тэатры Метраполітэн-Опера ў Нью-Ёрку.[6]
Яе талент да экспрэсіянісцкіх танцаў і асабістае жыццё шырока асвятляліся з сярэдзіны 1860-х да пачатку 20-га стагоддзя.
Пасля сыходу са сцэны ў 1892 годзе Мары Банфанці адкрыла школу ў Нью-Ёрку, дзе выкладала да 1916 года.[7] Сярод яе вучаніц (на працягу кароткага перыяду часу) былі Рут Сен-Дэні і Айседора Дункан.
Была замужам за Джорджам Гофманам.[8]