У Вікіпедыі ёсць артыкулы пра іншых асоб з прозвішчам Дункан.
Айседора Дункан (англ.: Isadora Duncan, народжаная Дора Энджэл Дункан, 27 мая 1877, Сан-Францыска — 14 верасня 1927, Ніца) — амерыканская танцоўшчыца, лічыцца заснавальніца вольнага танца — папярэдніка танца мадэрн. Выкарыстала старажытнагрэчаскую пластыку, хітон замест балетнага касцюма, танчыла басанож. У 1921—1924 жыла ў Расіі, арганізавала студыю ў Маскве. Была замужам за Сяргеем Ясеніным.