Малыя Ча́ны (руск.: Ма́лые Ча́ны[3][1]) — возера ў Азіяцкай частцы Расіі, у Новасібірскай вобласці, у бяссцёкавай вобласці міжрэчча рэк Об і Іртыш (у Барабінскай нізіне).
Плошча паверхні возера 200 км². Даўжыня 21,5[1] км, найбольшая шырыня 12[1] км. Сярэдняя глыбіня 1,4 м. Аб’ём вады ў возеры 0,27[1] км³. Плошча вадазбору 20 100[2] км². У жыўленні пераважае снегавое. Замярзае возера ў канцы кастрычніка — лістападзе, вызваляецца ад лёду ў красавіку — пачатку мая. Возера эўтрофнае[1]. У Малыя Чаны ўпадае рака Чулым. Пратокай злучаецца з возерам Чаны.
Каля возера знаходзяцца населеныя пункты Гарадзішча, Шырокая Кур’я, Гарнасталіха[1].