wd wp Пошук: ⬜

Лісічыцы

Лісі́чыцы[1] (трансліт.: Lisičycy, руск.: Лисичицы) — вёска ў Бярозаўскім раёне Брэсцкай вобласці. Уваходзіць у склад Пескаўскага сельсавета. Размешчана за 29 ад Бярозы, за 2 км ад чыгуначнай станцыі Белаазёрск.

Гісторыя

Паводле перапісу 1897 года вёска ў Пескаўскай воласці Слонімскага павета Гродзенскай губерні, працавала кузня.

З 1915 года акупіравана германскімі войскамі, з 1919 года да ліпеня 1920 года і з жніўня 1920 года — войскамі Польшчы. З 1921 года — у складзе Польшчы. У 1924 годзе вёска ў Пескаўскай гміне Косаўскага павета Палескага ваяводства.

З 1939 года ў БССР. З 1940 года ў Альшэўскім сельсавеце.

У 1941—1944 гг. акупіраваны нямецка-фашысцкімі захопнікамі. Акупанты загубілі ў вёсцы 5 жыхароў.

З 16 ліпеня 1954 года ў Нікаўскім сельсавеце. З 12 студзеня 1960 года ў Белаазёрскім Савеце. Паводле перапісу 1970 года ў саўгасе «Белаазёрскі».

З 15 сакавіка 1971 года да 17 верасня 2013 года вёска ўваходзіла ў склад Белаазёрскага сельсавета[2][3].

Планіроўка

Планіровачна складаецца з арыентаванай з поўдня на паўночны ўсход вуліцы, да яе ў паўночнай частцы прымыкае другая, арыентаваная з паўночнага захаду на ўсход, побач з якой кароткая паралельная вуліца, злучаная з ёй 2 правулкамі.

Насельніцтва

• XIX стагоддзе:
  • 1897 — 58 двароў, 344 жыхары.
• XX стагоддзе:
  • 1905 — 395 жыхароў.
  • 1924 — 77 будынкаў, 324 жыхары.
  • 1940 — 102 двары, 588 жыхароў.
  • 1959 — 129 гаспадарак, 549 жыхароў.
  • 1970 — 607 жыхароў.
• XXI стагоддзе:
  • 2005 — 112 двароў, 286 жыхароў.

Зноскі

1. ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Лісiчы́цы
2. ↑ Рашэнне выканкома Брэсцкага абласнога Савета дэпутатаў працоўных ад 15 сакавіка 1971 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1971, № 8 (1310).
3. ↑ Решение Брестского областного совета депутатов № 305 от 17 сентября 2013 г. «Об изменениях в административно-территориальном устройстве Берёзовского, Ивацевичского, Малоритского, Пинского районов Брестской области» Архівавана 1 лютага 2014.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх

Тэмы гэтай старонкі (6):
Населеныя пункты паводле алфавіта
Артыкулы пра населеныя пункты Беларусі, створаныя аўтаматычна
Пескаўскі сельсавет (Бярозаўскі раён)
Населеныя пункты Бярозаўскага раёна
Населеныя пункты Беларусі з насельніцтвам з Вікідадзеных
Артыкулы пра населеныя пункты без катэгорыі на Вікісховішчы