У Вікіпедыі ёсць артыкулы пра іншых асоб з прозвішчам Трушнікава. Лізавета Васілеўна Тру́шнікава (9 верасня 1920, в. Курычанка, Куртамышскі раён, Курганская вобласць, Расія) — беларускі вучоны ў галіне гінекалогіі. Доктар медыцынскіх навук (1976), прафесар (1979).
Скончыла ў 1943 годзе 2-і Маскоўскі медыцынскі інстытут. У Вялікую Айчынную вайну ў хірургічным шпіталі. З 1962 года ў БелНДІ анкалогіі і медыцынскай радыялогіі (загадчык аддзела), у 1971—1992 гадах у Медыцынскай акадэміі паслядыпломнай адукацыі.
Навуковыя працы па клініцы, дыягностыцы, лячэнні дабраякасных і злаякасных пухлін геніталій.