wd wp Пошук: ⬜

Леанід Іванавіч Бурак

У Вікіпедыі ёсць артыкулы пра іншых асоб з прозвішчам Бурак. Леанід Іванавіч Бура́к[1] (23 сакавіка 1930 — 1996) — вучоны ў галіне мовазнаўства, педагог, доктар філасофскіх навук (1980), прафесар (1982). Заслужаны работнік народнай адукацыі Беларусі (1990)[2].

Біяграфія

Нарадзіўся ў вёсцы Кульшыно Вілейскага павета Віленскага ваяводства (зараз у Вілейскім раёне Мінскай вобласці Беларусі). Скончыў філалагічны факультэт Беларускага дзяржаўнага ўніверсітэта. Працаваў у Інстытуце мовазнаўства Акадэміі навук БССР, з 1966 года ў Беларускім дзяржаўным універсітэце.

Навуковая дзейнасць

Займаўся даследаваннямі сучаснай беларускай мовы, яе сінтаксісам і пунктуацыяй. Аўтар больш за 100 навуковых прац, у тым ліку манаграфій, шэрагу вучэбных дапаможнікаў, артыкулаў[3]. Сааўтар акадэмічнага выдання «Граматыка беларускай мовы» (Т. 1, 1962; т. 2, 1966), падручніка «Курс сучаснай беларускай мовы: Сінтаксіс»(1959), нарматыўнага даведніка «Слоўнік беларускай мовы: Арфаграфія. Арфаэпія. Акцэнтуацыя. Словазмяненне» (1987)[3].

Сярод апублікаванага:

Пунктуацыя беларускай мовы (1969, 3-е выд. 1982),
Сучасная беларуская мова (1974, 2-е выд. 1985),
Сучасная беларуская мова: Арфаграфія і пунктуацыя: Практыкум (1993, у сааўтарстве).

Узнагароды

Медаль «Ветэран працы»[2],
граматы.

Зноскі

↑ Беларусь: Энцыкл. даведнік / Беларуская энцыклапедыя; Рэдкал. Б. І. Сачанка (гал. рэд.) і інш.. — Мн.: БелЭн, 1995. — С. 136. — 800 с. — 5 000 экз. — ISBN 985-11-0026-9.
1 2 Нашы выпускнікі. Бурак Леанід Іванавіч (1930-1996) // Філалагічны факультэт БДУ
1 2 Выстаўка, прысвечаная 75-годдзю Леаніда Іванавіча Бурака

Літаратура

Бурак Леанід Іванавіч // Беларусь: Энцыкл. даведнік / Беларуская энцыклапедыя; Рэдкал. Б. І. Сачанка (гал. рэд.) і інш.. — Мн.: БелЭн, 1995. — С. 136. — 800 с. — 5 000 экз. — ISBN 985-11-0026-9.

Спасылкі