У Вікіпедыі ёсць артыкулы пра іншых асоб з прозвішчам Каленікава. Леакадзія Платонаўна Каленікава (4 студзеня 1934, Менск) — беларускі архітэктар.
Скончыла Ленінградскі будаўнічы інстытут у 1957 г. З 1957 г. — старшы архітэктар у Гомельграмадзянпраекце.
Член Саюза архітэктараў СССР з 1965 года. Пражывае ў Гомелі.
Асноўныя працы: генпланы Жыткавічаў (1958), Уваравічаў (1975) Буда-Кашалёўскага раёна, цэнтральных сядзібаў саўгасаў «Навасёлкі» Петрыкаўскага (1969, бронзавы медаль ВДНГ СССР), «Жгунскі» Добрушскага (1971, бронзавы медаль ВДНГ СССР), «1 Мая» Рагачоўскага (1972,1975) раёнаў Гомельскай вобласці, г.п. Старое Сяло Гомельскага конезавода, ПДП Рэчыцы (1957), забудова мікрараёнаў № 51, 63, 63а ў Гомелі (1980-82) і 16 у Жлобіне (1982, у аўтарскім калектыве).