Кустоўнік[3] (Nasturtium) — род кветкавых раслін сямейства капуставыя.
Шматгадовыя травяністыя расліны. Лісце перыстарассечанае. Кветкі дробныя, белыя, у кароткіх гронках. Плод — стручок.
Адрозніваецца 6 відаў. Пашыраны ў Еўразіі, Паўночнай і Усходняй Афрыцы, Паўночнай Амерыцы. На тэрыторыі Беларусі кустоўнік лекавы, або вадзяны крэс (Nasturtium officinale). Трапляецца па берагах рэк, на балотах, часам у вадзе.
Кустоўнік лекавы — харчовая расліна (ужываецца як прыправа і для салатаў). Культывуюць у Заходняй Еўропе і ЗША.