Ку́раў (польск.: Kurów) — вёска ў складзе Пулаўскага павета Люблінскага ваяводства Польшчы, цэнтр гміны Кураў. Размешчана на р. Кураўка.
У 1431–1442 Кураў атрымаў Магдэбургскае права. У XVI ст. быў цэнтрам польскага кальвінізму, да 1660 большасцю жыхароў Курава было прынята арыянства. 3 сакавіка 1831 войскамі паўстанцаў пад кіраўніцтвам генерала Ёзэфа Дверніцкага былі разбіты часткі расійскай арміі ў бітве пад Куравам. У Другую Сусветную вайну Кураў быў значна зруйнаваны нямецкімі паветранымі сіламі 9 верасня 1939.