«Крывавы дыямент» (англ.: Blood Diamond) — мастацкі фільм 2006 года рэжысёра Эдварда Цвіка[en][11]. Галоўныя ролі ў фільме выканалі Леанарда Дзі Капрыа, Джэніфер Конелі, Джымон Хансу, Майкл Шын, Арнальд Вослу.
Сьера-Леонэ, 1999 год. Краіна перажывае грамадзянскую вайну. Рэвалюцыянеры тысячамі знішчаюць пакорлівых сялян, астатніх зганяюць у рабства на дыяментавыя руднікі. На адным з такіх руднікоў Саламон Вандзі знаходзіць унікальны ружовы дыямент. Для яго гэта шанец знайсці сваю страчаную сям’ю, для найміта і кантрабандыста Дэні Арчэра — магчымасць зарабіць мільёны і пакінуць Чорны кантынент.
Паводле інфармацыі сайта «Internet Movie Database» фільм быў адзначаны 8 кінаўзнагародамі і яшчэ 32 намінацыямі[12].