Леана́рда Вільгельм Дзі Ка́прыа (англ.: Leonardo Wilhelm DiCaprio; нар. 11 лістапада 1974, Лос-Анджэлес) — амерыканскі акцёр. Уладальнік адной і намінант на яшчэ пяць прэмій «Оскар», трохкратны лаўрэат прэміі «Залаты глобус», лаўрэат прэміі BAFTA, уладальнік «Сярэбранага мядзведзя» Берлінскага кінафестывалю. Найбольшую вядомасць атрымаў дзякуючы ролям у такіх фільмах, як «Што грызе Гілберта Грэйпа», «Рамэа + Джульета», «Тытанік», «Пляж», «Банды Нью-Ёрка», «Злаві мяне, калі зможаш», «Авіятар», «Адступнікі», «Востраў праклятых», «Пачатак», «Вялікі Гэтсбі», «Воўк з Уол-стрыт», «Выжылы».