У Вікіпедыі ёсць артыкулы пра іншых асоб з прозвішчам Гілберт. Гроўв Карл Гілберт (англ.: Grove Karl Gilbert; 6 мая 1843, Рочэстэр, ЗША — 1 мая 1918, Джэксан (Мічыган), ЗША) — амерыканскі геолаг, геамарфолаг, стратыграф, картограф. Адзін з піянераў планетарнай геалогіі. У літаратуры вядомы як Г. К. Гілберт.
Правёў геамарфалагічныя даследаванні Заходніх рэгіёнаў ЗША, за што ў 1872 годзе атрымаў ступень магістра.
З моманту стварэння Геалагічнай службы ЗША ў 1879 годзе працаваў там і ў складзе экспедыцыі Джона Уэслі Паўэла праводзіў геалагічную здымку Скалістых гор, быў галоўным памочнікам Паўэла да 1879 года. У гэты перыяд апублікаваў важную манаграфію пра горы Генры — «Geology of the Henry Mountains» (1877—1880).
Адным з першых даследаваў сувязь рэльефу паверхні з геалагічнай будовай Зямлі. У 1884 годзе быў прызначаны кіраўніком Апалацкага аддзялення, а з 1889 па 1892 год — галоўным геолагам Геалагічнай службы ЗША.
У 1899 годзе прыняў удзел у экспедыцыі Гарымана на Аляску з Сіэтла ў Сібір і назад.