wd wp Пошук: ⬜

Канстанцін Дзмітрыевіч Валюшкін

Канстанцін Дзмітрыевіч Валю́шкін[1] (22 красавіка 1932—1 студзеня 2008) — вучоны ў галіне ветэрынарыі, доктар ветэрынарных навук (1988), прафесар (1990). Член-карэспандэнт Акадэміі аграрнай адукацыі [2].

Біяграфія

Нарадзіўся у вёсцы Тыльцы (Сенненскі раён, Віцебская вобласць, Беларусь). У 1955 годзе скончыў Віцебскі ветэрынарны інстытут. У 1955—1961 гг. галоўны ўрач племзавода «Крынкі» ў Лёзненскім раёне Віцебскай вобласці. У 1964—1969 гг. працаваў загадчыкам аддзела на Смаленскай навукова-даследчай ветэрынарнай станцыі. З 1969 года у Віцебскім ветэрынарным інстытуце. У 1989—1994 гг. дэкан ветэрынарнага факультэта, у 1991—2001 гг. прафесар кафедры акушэрства, гінекалогіі і размнажэння Віцебскай дзяржаўнай акадэміі ветэрынарнай медыцыны.

Навуковая дзейнасць

К. Д. Валюшкіну належаць навуковы працы па прафілактыцы аліментарнай бясплоднасці кароў пры вітамінна-мінеральнай недастатковасці. Распрацаваў вучэнне пра гінекалагічную дыспансерызацыю жывёл.

Сярод апублікаванага:

Борьба с яловостью коров — Мн., 1976. (разам з В. М. Васкабойнікавым і А. С. Церашэнкавым)[1]
Витамины и микроэлементы в профилактике бесплодия коров / К. Д. Валюшкин. — Минск : Ураджай, 1981. — 95 с. : ил.
Акушерско-гинекологическая диспансеризация коров и телок / К. Д. Валюшкин. — Минск : Ураджай, 1987. — 128 с. : ил.
Акушерство, гинекология и биотехника размножения животных : учебник для вузов по специальности СО202 «Ветеринарная медицина», «Акушерство и биотехника размножения животных», СО20 «Зоотехния» / К. Д. Валюшкин, Г. Ф. Медведев. — Минск : Ураджай, 1997. — 719 с. : ил.

Узнагароды

Медаль «Ветэран працы»
Стыпендыя Прэзідэнта Рэспублікі Беларусь
Грамата Міністэрства сельскай гаспадаркі і харчавання Рэспублікі Беларусь

Зноскі

1 2 Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 3: Беларусы — Варанец.
↑ Валюшкин Константин Дмитриевич(руск.) // Афіцыйны сайт ВДАВМ

Літаратура

Валюшкін Канстанцін Дзмітрыевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 3: Беларусы — Варанец. — 511 с. — 10 000 экз. — ISBN 985-11-0068-4 (т. 3), ISBN 985-11-0035-8. — С. 498.

Спасылкі

Валюшкин Константин Дмитриевич(руск.) // Афіцыйны сайт УА «Віцебская ордэна «Знак Пашаны» дзяржаўная акадэмія ветэрынарнай медыцыны»