wd wp Пошук: ⬜

Канна індыйская

Ка́нна індыйская[3] (Canna indica) — кветкавая расліна роду Канна (Canna) раслін сямейства Каннавыя (Cannaceae).

Батанічнае апісанне

Шматгадовая травяністая расліна з галінастым, часта клубнепадобна патоўшчаным карэнішчам. Сцябло прамое, моцнае, вышынёй да 3 метраў[3]. Лісце буйное (да 60 см у даўжыню і да 35 см у шырыню[3]), простае, суцэльнае, скурыстае, з вострай верхавінкай і гладкім краем. Колер лісця бронзава-чырвоны, зялёны, сіні. Кветкі двухполыя, буйныя, чырвона-ружовыя або жоўтыя, зрэдку з плямамі або палоскамі. Плод — каробачка.

Распаўсюджанне і экалогія

Расліна распаўсюджана ў трапічных і субтрапічных зонах Амерыкі. Натуралізавалася амаль паўсюдна і вырошчваецца ў якасці дэкаратыўнай. Святлолюбівая расліна, мезафіт і эўтроф [4]. Размнажаецца насеннем і дзяленнем карэнішча.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
1 2 3 Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз.
↑ Канна индийская: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

Бацяноўскі І. Я. Канна // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз. — С. 473.

Спасылкі

Канна индийская: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)