wd wp Пошук: ⬜

Казімір Іванавіч Радзевіч

У Вікіпедыі ёсць артыкулы пра іншых асоб з прозвішчам Радзевіч. Казімір Іванавіч Радзевіч (4 сакавіка 1917, в. Маляўкі, Мінская губерня — 1 снежня 1989, Браслаў) — Герой Сацыялістычнай Працы.

Біяграфія

Працоўную дзейнасць пачаў у 1934 годзе слесарам Мінскага вагонарамонтнага завода імя Мяснікова.

З пачаткам Вялікай Айчыннай вайны быў мабілізаваны на працоўны фронт, эвакуіраваны ў горад Куйбышаў, дзе працаваў на заводзе.

Пасля вызвалення Беларусі вярнуўся ў Мінск і працягваў працаваць на вагонарамонтным заводзе.

У 1953 годзе ў складзе «трыццацітысячнікаў» быў накіраваны ў Заходнюю Беларусь для арганізацыі сельскай гаспадаркі. Разам з сям’ёй пераехаў у в. Бяльмонты Браслаўскага раёна і працаваў слесарам Браслаўскай машынна-трактарнай станцыі. У 1961—1977 гадах — слесар-механік у раённым аб’яднанні «Сельгастэхніка».

За паспяховае выкананне заданняў 8-й пяцігодкі і дасягненне высокіх тэхніка-эканамічных паказчыкаў Указам Прэзідыума Вярхоўнага Савета СССР ад 8 красавіка 1971 года К. І. Радзевічу прысвоена званне Героя Сацыялістычнай Працы.

Дэпутат Вярхоўнага Савета БССР у 1971—1975 гадах.

З 1977 года — на пенсіі. Памёр у 1989 годзе. Пахаваны ў вёсцы Ахрэмаўцы Браслаўскага раёна Віцебскай вобласці.

Узнагароды

Герой Сацыялістычнай Працы (1971)
Ордэн Леніна (8 красавіка 1971)
Ордэн «Знак Пашаны» (23 чэрвеня 1966)

Літаратура

Башлаков, М. Его величество рабочий / Е. Башлаков // Знаменосцы трудовой славы / сост.: Г. С. Гужва [и др]; рец. Б. В. Стрельцов. — Минск : Беларусь, 1984. — С. 268—271.
Радевич Казимир Иванович // Регионы Беларуси : энциклопедия : в 7 т. / редкол.: Т. В. Белова [и др.]. — Минск : БелЭн, 2011. — Т. 2 : Витебская область : в 2 кн. — Кн. 2. — С. 392.
Радевич Казимир Иванович // Слава и гордость земли Витебской : биографический справочник / сост. М. Н. Пригожий; редкол.: М. П. Кузьмич [и др.]. — Витебск : Витебская областная типография, 2009. — С. 295.
Радевич Казимир Иванович // Твои герои, Беларусь! Герои Социалистического Труда : биографический справочник / сост.: И. Н. Кулан, В. И. Козак, Е. Е. Соколов; под общ. ред. А. Н. Новикова. — Минск : БелЭн імя П. Броўкі, 2014. — С. 188.