Каба́йлы[1] (трансліт.: Kabajly, руск.: Кабайлы) — вёска ў Мядзельскім раёне Мінскай вобласці. Уваходзіць у склад Мядзельскага сельсавета.
У 1868 г. вёска Манькавіцкай воласці Вілейскага павета Віленскай губерні, 8 двароў, 108 жыхароў. У 1904 годзе ў вёсцы 167 жыхароў. У 1921 годзе вёска Манькавіцкай гміны Дунілавіцкага (з 1926 года Пастаўскага) павета Віленскага ваяводства, 47 жыхароў. З 12 кастрычніка 1940 года ў Лацвянскім сельсавеце Пастаўскага, з 25.11.1940 г. Мядзельскага раёна Вілейскай, з 20 верасня 1944 года Маладзечанскай, з 20 студзеня 1960 года Мінскай абласцей. З 1957 года вёска ў складзе калгаса «40 год Кастрычніка» (цэнтр — вёска Лотва).
Да 29 верасня 2006 года вёска ўваходзіла ў склад Лацвянскага сельсавета[2].