wd wp Пошук:
    ⬜

    Зарадная станцыя

    Зарадная станцыя «Беларуснафты» ў Мінску (2020 год)

    Зара́дная ста́нцыя — інфраструктура для зарадкі электраэнергіяй акумулятара электрамабіля.

    Віды

    На 2020 год вылучалі 3 віды зарадных станцый паводле ладу зарадкі.

    Беларусь

    14 жніўня 2013 года аб’яднанне «Беларуснафта» абвясціла тэндэр на закуп электразарадных станцый, якія мелі размясціць на 4 аўтазапраўках, у тым ліку на адной у Мінску[2]. 9 кастрычніка 2014 года ў Баравой вёсцы Мінскага раёна адкрылі першую ў Беларусі станцыю хуткай зарадкі электрамабіляў. Магутнасць зарадкі складала 50 кілават, што дазваляла зарадзіць акумулятар электрамабіля за 30 хвілін[3]. Гэтая зарадная станцыя належала аўтазапраўцы «А-100»[4]. 16 кастрычніка 2015 года зарадная станцыя для электрамабіляў з’явілася ў Мінску на скрыжаванні праспекта Незалежнасці і бульвара Талбухіна[5]. 11 лютага 2016 года на вуліцы Харужай у Мінску адкрылі першую зарадную станцыю беларускай вытворчасці[6]. На 1 мая 2016 года ў Беларусі налічвалася 10 электразаправак цаной па 20 000 еўра, якія дазвалялі зарадзіць аўтамабіль за 2 гадзіны[7].

    27 лютага 2017 года Савет міністраў Рэспублікі Беларусь зацвердзіў Пастанову № 162 «Аб згодзе на ажыццяўленне фінансавання праекта», паводле якой дазволіў «Паўночнай экалагічнай фінансавай карпарацыі» («ПЭФК»; Хельсінкі, Фінляндыя) адкрыць крэдытную лінію на 1 млн еўра «Беларускаму народнаму банку» для выдачы пазык на набыццё зарадных станцый[8]. 12 мая 2017 года ААТ «Віцязь» выпусціла першую ў Віцебску зарадную станцыю «Віцязь ЕС-301», якую ўсталявалі на заводскай паркоўцы[9]. Распрацоўка на заказ Міністэрства прамысловасці Рэспублікі Беларусь заняла 1,5 гады. Зарадка запускалася праз дадатак на смартфоне з АС «Андроід», праз кароткае паведамленне з сотавага тэлефона і праз картку радыёчастотнага распазнання. Зарадная станцыя была з пераменым 3-фазным токам і каштавала каля $2000. Час зарадкі складаў каля 4 гадзін. Адначасна кіраўніцтва ААТ «Віцязь» абвясціла пра распрацоўку зараднай станцыі коштам каля $20 000, што мела зараджаць электрамабіль за менш як 30 хвілін[10]. У маі 2017 года ў Мінску ўсталявалі 3 зарадныя станцыі для электробусаў «Вітаўт Макс Электра»[11]. 11 ліпеня 2017 года галоўны канструктар ТДА «Сучасныя тэхнічныя рашэнні і метады» («СТРіМ») Аляксей Яфрэмаў прадставіў у Магілёве зарадную станцыю ўласнай распрацоўкі, што мела магутнасць 20 кілават і прызначалася для гарадскіх вуліц. На той час у Беларусі зарадныя станцыі распрацоўвалі 3 прадпрыемствы ў Мінску, Віцебску і Магілёве[12]. 23 жніўня 2017 года ў Гомелі ВА «Беларуснафта» адкрыла сваю 4-ю зарадную станцыю[13]. На 8 верасня 2017 года «Беларуснафта» мела 8 зарадных станцый, з якіх 3 адкрылі ў жніўні: 2 у Гомелі і 1 у каля памежнага пераходу «Брузгі» ў Гродзенскім раёне на мяжы з Польшчай. Яны прызначаліся для зарадкі акумулятара на 80 % за 30 хвілін[14]. Агулам у Беларусі налічвалася каля 20 зарадных станцый[15]. 9 кастрычніка 2017 года зарадную станцыю адкрылі на 3-м паверсе гандлёвага цэнтра «Галерэя Мінска»[16]. 8 лістапада 2017 года з’явілася 1-я зарадная станцыя пры сталічным гіпермаркеце «Е-сіці» на Дзянісаўскай вуліцы[17].

    5 студзеня 2018 года «Беларускі народны банк» адкрыў электразапраўку пры сваім аддзяленні ў Гродне па Сацыялістычнай вуліцы, д. 44[18]. 26 красавіка 2018 года ўрад Беларусі ўсталяваў расцэнку на электраэнергію ад ДВА «Белэнерга» для зарадкі электрамабіляў у памеры 15,693 капейкі за 1 кілават-гадзіна. Такая расцэнка была на 48 % ніжэйшай за расцэнку для ўстаноў у галіне паслуг[19]. 13 чэрвеня 2018 года А. Лукашэнка падпісаў Указ № 236 аб дапаўненні Дзяржаўнай праграмы інавацыйнага развіцця Беларусі на 2016—2020 гады праектам стварэння вытворчасці зарадных станцый на ААТ «Віцязь»[20]. 10 ліпеня 2018 года А. Лукашэнка зацвердзіў Указ № 273 «Аб стымуляванні выкарыстання электрамабіляў», якім вызваліў увозімыя зарадныя станцыі ад падатку на дададзеную вартасць[21]. На 13 ліпеня 2018 года «Беларуснафта» мела 18 электразарадных станцый[22]. 10 ліпеня 2018 года Савет міністраў Беларусі ўхваліў Пастанову № 731 «Аб зацвярджэнні Праграмы стварэння дзяржаўнай зараднай сеткі для зарадкі электрамабіляў». Паводле Праграмы, да 2030 года «Беларуснафце» даручылі стварыць 1304 зарадныя станцыі, з іх 1224 (94 %) у паселішчах. На аўтамагістралях адлегласць між 80 электразапраўкамі мела складаць менш за 50 км. Таксама вызначылі ўсталяваць 25 высакавольтных (звышхуткіх) зарадных станцый у Мінску, абласных цэнтрах і на аўтамагістралях на адлегласці 120 км[23].

    2 красавіка 2019 года кіраўнік ААТ «Віцязь» Генадзь Азараў паведаміў пра атрыманне заказу ад «Беларуснафты» на выраб 20 зарадных станцый у 2-м паўгоддзі[24]. На 11 чэрвеня 2019 года ў Мінску налічвалася 25 ЭЗС ладу 3 і 4, якія зараджалі акумулятар за 6 і 1 гадзіну адпаведна[25]. 24 лістапада 2019 года лік ЭЗС дасягнуў 130[26]. 5 сакавіка 2020 года «Беларуснафта» прадставіла сетку 251 ЭЗС «Маланка», што магла зарадзіць 9000 электрамабіляў за дзень. Першыя 17 ЭЗС, якія пабудавалі да верасня 2018 года, каштавалі па 60 000 еўра. У далейшым іх цана ўпала да $20 000[27].

    Зноскі

    1. ↑ Сяргей Румас. Пастанова Савета міністраў Рэспублікі Беларусь ад 10 кастрычніка 2018 г. № 731 «Аб зацвярджэнні Праграмы стварэння дзяржаўнай зараднай сеткі для зарадкі электрамабіляў»(руск.) , Нацыянальны прававы інтэрнэт-партал Рэспублікі Беларусь (16 кастрычніка 2018). Праверана 27 сакавіка 2020.
    2. ↑ Валерыйый Сідорчык. «Беларуснафта» створыць сетку зарадных станцый для электрамабіляў(нявызн.), Беларускае тэлеграфнае агенцтва (14 жніўня 2013). Праверана 27 сакавіка 2020.
    3. ↑ Першую ў Беларусі станцыю экспрэс-зарадкі для электрамабіляў адкрылі на выездзе з Мінска(нявызн.), БелТА (9 кастрычніка 2014). Праверана 27 сакавіка 2020.
    4. ↑ Марта Грын. Калі на беларускіх дарогах можна будзе ўбачыць электрамабіль і не здзівіцца(нявызн.), Газета «Новы час» (29 кастрычніка 2014). Праверана 27 сакавіка 2020.
    5. ↑ Зарадная станцыя для электрамабіляў з’явілася на бульвары Талбухіна ў Мінску(нявызн.), БелТА (16 кастрычніка 2014). Праверана 27 сакавіка 2020.
    6. ↑ Ян Пашкевіч, тэлеканал «Беларусь 1». Развіццё экалагічных відаў транспарту ў сталіцы атрымала новы імпульс(нявызн.), Белтэлерадыёкампанія (11 лютага 2016). Праверана 27 сакавіка 2020.
    7. ↑ Дзмітрый Цітоў, тэлеканал «Беларусь 1». Электракары — хіт продажаў у Еўропе(нявызн.), Белтэлерадыёкампанія (1 мая 2016). Праверана 27 сакавіка 2020.
    8. ↑ Андрэй Кабякоў. Пастанова Савета міністраў ад 27.02.2017 № 162 «Аб згодзе на ажыццяўленне фінансавання праекта»(нявызн.), Савет міністраў Рэспублікі Беларусь (27 лютага 2017). Праверана 27 сакавіка 2020.
    9. ↑ «Віцязь» выпусціў зарадную станцыю для электрамабіляў(нявызн.), БелТА (12 мая 2017). Праверана 27 сакавіка 2020.
    10. ↑ Яўген Карпас, «Штодзённік». У Віцебску з’явілася першая станцыя для зарадкі электрамабіляў(нявызн.), Радыё «Рацыя» (11 мая 2017). Праверана 27 сакавіка 2020.
    11. ↑ Тэлеканал «Беларусь 1». Першы беларускі электробус з правым рулём адправіўся ў Вялікабрытанію(нявызн.), Белтэлерадыёкампанія (17 верасня 2019). Праверана 27 сакавіка 2020.
    12. ↑ Нелі Зігуля. Злучаючы тэхналогіі // Звязда : газета. — 12 ліпеня 2017. — № 131 (28495). — С. 1, 4. — ISSN 1990-763x.
    13. ↑ Новая зарадная станцыя для электрамабіляў адкрылася ў Гомелі(нявызн.), БелТА (23 жніўня 2017). Праверана 27 сакавіка 2020.
    14. ↑ Валерый Сідорчык. «Беларуснафта» гатова ўзяць функцыі нацыянальнага сеткавага аператара па зарадцы электрамабіляў(нявызн.), БелТА (4 верасня 2017). Праверана 27 сакавіка 2020.
    15. ↑ Дзмітрый Цітоў, тэлеканал «Беларусь 1». Першы беларускі электракар рыхтуецца да серыйнай вытворчасці(нявызн.), Белтэлерадыёкампанія (3 верасня 2017). Праверана 27 сакавіка 2020.
    16. ↑ Аляксей Арэшка. У цэнтры Мінска з’явілася станцыя для хуткай зарадкі электрамабіляў(нявызн.), БелаПАН (9 кастрычніка 2017). Праверана 27 сакавіка 2020.
    17. ↑ Ксенія Лебедзева, тэлеканал «Беларусь 1». Першая зарадная станцыя для электрамабіляў у гіпермаркеце(нявызн.), Белтэлерадыёкампанія (8 лістапада 2017). Праверана 27 сакавіка 2020.
    18. ↑ Марына Харэвіч. У Доме з лілеямі пасяліўся леў(нявызн.), Выданне «Гродна.лайф» (6 студзеня 2018). Праверана 27 сакавіка 2020.
    19. ↑ У Беларусі ўпершыню ўстаноўлены тарыф для зарадкі электрамабіляў(нявызн.), БелТА (26 красавіка 2018). Праверана 27 сакавіка 2020.
    20. ↑ Марына Носава. Серыйную вытворчасць зарадных станцый для электрамабіляў запусцяць у Беларусі да 2020 года(нявызн.), БелаПАН (18 чэрвеня 2018). Праверана 27 сакавіка 2020.
    21. ↑ Падпісаны ўказ аб мерах па стымуляванні выкарыстання ў Беларусі электрамабіляў(нявызн.), БелТА (10 ліпеня 2018). Праверана 27 сакавіка 2020.
    22. ↑ «Беларуснафта» да 2024 года створыць разгалінаваную сетку зарадных станцый для электрамабіляў(нявызн.), БелТА (13 ліпеня 2018). Праверана 27 сакавіка 2020.
    23. ↑ Аляксей Арэшка. Зацверджаная праграма стварэння дзяржаўнай зараднай сеткі для электрамабіляў(нявызн.), БелаПАН (12 кастрычніка 2018). Праверана 27 сакавіка 2020.
    24. ↑ Сяргей Салаўёў. Важкія дробязі(нявызн.), Газета «Новы час» (3 красавіка 2019). Праверана 27 сакавіка 2020.
    25. ↑ Магда Крэпак, «Мінск-Навіны». Да 2025 года зарадныя станцыі для электрамабіляў могуць з’явіцца больш чым на 400 пляцоўках Мінска(нявызн.), Газета «Новы час» (11 чэрвеня 2019). Праверана 27 сакавіка 2020.
    26. ↑ Расія выступіла супраць зніжэння Беларуссю мытаў на электрамабілі(нявызн.), Газета «Новы час» (24 лістапада 2019). Праверана 27 сакавіка 2020.
    27. ↑ «Беларуснафта» пашырыць сетку электразарадак «Маланка» да 2021 года да больш як 600 станцый(нявызн.), БелТА (5 сакавіка 2020). Праверана 27 сакавіка 2020.

    Спасылкі

    commons: Зарадная станцыя на Вікісховішчы
    Тэмы гэтай старонкі (5):
    Катэгорыя·Старонкі з няправільным сінтаксісам спасылак на крыніцы
    Катэгорыя·Электрыфікацыя транспартных сродкаў
    Катэгорыя·Электратэхніка
    Катэгорыя·Вікіпедыя·Спасылка на Вікісховішча непасрэдна ў артыкуле
    Катэгорыя·Крыніцы сілкавання