wd wp Пошук: ⬜

Еўрарэгіён Дняпро

Еўрарэгіён «Дняпро» — прыгранічная супольнасць, створаная ў 2003 годзе на тэрыторыі абласцей трох дзяржаў: Бранскай вобласці Расійскай Федэрацыі, Гомельскай вобласці Беларусі і Чарнігаўскай вобласці Украіны. «Дняпро» стаў першым еўрарэгіёнам на постсавецкай прасторы, створаным без удзелу краін-членаў і кандыдатаў на ўступленне ў Еўрапейскі Саюз[1].

Асноўныя звесткі

У Статуце еўрарэгіёну «Дняпро» галоўнай яго мэтай называецца садзейнічанне сацыяльна-эканамічнаму развіццю, навуковаму і культурнаму супрацоўніцтву прыгранічных тэрыторый[2].

Структура еўрарэгіёну ўключае ў сябе:

• Савет Прыгранічнай супольнасці;
• Прэзідыум Супольнасці;
• Сакратарыят Супольнасці;
• каардынацыйныя бюро Сакратарыята ў Бранску, Гомелі і Чарнігаве;
• рэвізійную камісію;
• рабочыя групы.

Асноўнымі кірункамі дзейнасці еўрарэгіёну можна назваць:

• эканоміку і занятасць,
• транспарт і сувязь,
• культуру і адукацыю,
• турызм,
• ахову здароўя,
• сацыяльную сферу,
• інфраструктуру і абарону навакольнага асяроддзя.

У галіне экалогіі прыярытэтнымі з’яўляюцца пытанні, звязаныя з наступствамі Чарнобыльскай аварыі, а таксама праблемы басейнаў рэк Дзясны і Дняпра.

Выданні

• Археологические исследования в еврорегионе «Днепр» в 2011 году: междунар. научный ежегодник / Черниговский нац. педагогический ун-т им. Т. Г. Шевченко. — Чернигов: Десна. Полиграф, 2012. — 168 с. ISBN 978-966-264-619-1.
• Археологические исследования в еврорегионе «Днепр» в 2012 году: междунар. сб. науч. ст. / междунар. редкол.: О. М. Демиденко (отв. ред.), Н. Н. Кривальцевич (зам. отв. ред.), О. М. Макушников (науч. ред.), Ю. В. Панков (отв. секр.) [и др.]; Гом. обл. исполн. ком., Ин-т истории НАН Б, Гом. гос. ун-т им. Ф. Скорины [и др.]. — Гомель: ГГУ им. Ф. Скорины, 2013. — 201 с. ISBN 978-985-439-791-7.
• Археологические исследования в еврорегионе «Днепр» в 2013 году: научный ежегодник / Брянский гос. ун-т им. академика И. Г. Петровского. — Брянск, 2014. — 292 с.[3]

Зноскі

1. ↑ Еўрарэгіён «Дняпро». Архівавана 25 мая 2012.
2. ↑ Статут прыгранічнай супольнасці «Еўрарэгіён „Дняпро“».(недаступная спасылка)
3. ↑ Краўцоў, А. Даследчыкі з трох краін выпусцілі сумесны археалагічны зборнік (бел.) // Гомель гражданский. — 2014. — 12 снежня.

Спасылкі

• Еўрарэгіён «Дняпро» аб’яднае вобласці трох краін СНД
• У Чарнігаве адбылася Міжнародная канферэнцыя «Еўрарэгіён „Дняпро“» Архівавана 27 чэрвеня 2012.
• Дэпартамент эканамічнага развіцця Бранскай вобласці(недаступная спасылка)
• Эканамічны партал Чарнігаўскай вобласці

Тэмы гэтай старонкі (5):
Катэгорыя·Гомельская вобласць
Катэгорыя·Еўрарэгіёны
Катэгорыя·Бранская вобласць
Катэгорыя·Чарнігаўская вобласць
Катэгорыя·Вікіпедыя·Артыкулы з непрацоўнымі спасылкамі