wd wp Пошук: ⬜

Дыегу Коста

У Вікіпедыі ёсць артыкулы пра іншых асоб з прозвішчам Коста. .mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Дые́гу да Сі́лва Ко́ста[3] або Дыега Коста (парт.: Diego da Silva Costa; нар. 7 кастрычніка 1988, Лагарту, Бразілія) — бразільскі і іспанскі футбаліст, нападнік англійскага клуба «Вулверхэмптан Уондэрэрс». Ігрок нацыянальнай зборнай Іспаніі (2014—2018).

Клубная кар’ера

Дыегу Коста пачынаў гуляць у футбол у штаце Сан-Паўлу. У лютым 2006 года падпісаў кантракт з партугальскім клубам «Брага», але выступаў толькі за рэзервовую каманду клуба. Улетку 2006 года на правах арэнды адправіўся ў клуб «Пінафіел».

У снежні 2006 года быў прададзены ў «Атлетыка» за 1,5 млн еўра, аднак неўзабаве быў арэндаваны «Брагай» да канца сезона. У тым сезоне Дыегу Коста забіў свой першы гол за «Брагу» ў браму італьянскай «Пармы» ў розыгрышы Кубка УЕФА. Наступныя два сезоны Коста правёў у арэндзе ў «Сельце» і «Альбасетэ». 8 ліпеня 2009 года Коста перайшоў у «Рэал Вальядалід» як частка здзелкі аб пераходзе Серхіа Асенха ў «Атлетыка». Аднак у наступным сезоне вярнуўся ў «Атлетыка», дзяуючы выдатным выступам за клуб.

У канцы ліпеня 2011 года на перадсезонным зборы «Атлетыка» Дыегу Коста атрымаў сур’ёзную траўму калена, з-за якой прапусціў палову сезона. У студзені нападнік на правах арэнды перайшоў у «Рая Вальекана», у складзе якога ў 16 матчах забіў 10 мячоў. Улетку 2012 года вярнуўся ў «Атлетыка». Улетку 2013 года англійскі «Ліверпул» намагаўся выкупіць іграка, але здзелка не адбылася, а ўжо на старце новага сезона 2012/13 пасля сыходу з клуба Радамеля Фалькаа Дыегу стаў сапраўдным лідарам клуба, стала забіваючы мячы за «матрацнікаў».

Калі Дыегу прайшоў медыцынскі агляд у чэрвені[4], «Чэлсі» 1 ліпеня 2014 года абвясціў пра дамоўленасць, якая была дасягнута з мадрыдскім «Атлетыка» на пераход Косты. Паводле дагавору «Чэлсі» выплаціў за іграка 32 млн фунтаў стэрлінгаў[5]. 15 ліпеня лонданскі клуб афіцыйна пацвердзіў завяршэнне здзелкі. Дыегу Коста падпісаў кантракт на пяць гадоў, зарабляючы пры гэтам 150 тысяч фунтаў на тыдзень[6][7].

У складзе «Чэлсі» адразу стаў адным з лідараў, у сезоне 2014/15 дапамог лонданскаму клубу стаць чэмпіёнам Англіі, забіўшы 20 галоў у чэмпіянаце. Пасля няўдалага для «Чэлсі» сезона 2015/16 здолеў паўтарыць поспех (чэмпіёнства і 20 галоў) у сезоне 2016/17. Аднак, падчас сезона 2016/17 нападнік увайшоў у канфлікт з галоўным трэнерам каманды Антоніа Контэ, і ў чэрвені 2017 года італьянскі спецыяліст паведаміў Косце, што не разлічвае на яго ў новым сезоне.

У верасні 2017 года было абвешчана аб вяртанні Косты ў «Атлетыка», аднак з-за забароны мадрыдскаму клубу на трансферы ён зможа выступаць за новую каманду толькі са студзеня 2018 года[8]. У снежні 2020 года «Атлетыка» дамовіўся аб разарванні кантракта з нападнікам[9].

У пачатку 2021 года заставаўся без каманды, а ў жніўні стаў іграком «Атлетыку Мінейру»[10]. Дапамог клубу стаць чэмпіянам Бразіліі. Пакінуў каманду ў студзені 2022 года.

У верасні 2022 года стаў іграком «Вулверхэмптан Уондэрэрс», падпісаўшы аднагадовы кантракт.

Міжнародная кар’ера

Дыегу Коста быў выкліканы ў зборную Бразіліі 4 сакавіка 2013 года для ўдзелу ў таварыскіх гульнях супраць зборных Італіі і Расіі. Дэбютаваў у зборнай, выйшаўшы на замену ў гульні супраць Італіі, якая скончылася з лікам 2:2.

Аднак у кастрычніку 2013 года Дыегу атрымаў выклік у зборную Іспаніі, паколькі валодае яшчэ і іспанскім грамадзянствам[11]. Коста зрабіў канчатковы выбар на карысць іспанскай каманды, зрабіўшы афіцыйны запыт у ФІФА на дазвол удзелу ў міжнародных матчах на баку зборнай Іспаніі. 5 сакавіка 2014 года Коста дэбютаваў у складзе зборнай Іспаніі ў таварыскім матчы супраць зборнай Італіі.

Дасягненні

«Атлетыка»:

Чэмпіён Іспаніі: 2014
Уладальнік Кубка Іспаніі: 2013
Уладальнік Суперкубка УЕФА (3): 2010, 2012, 2018
Пераможца Лігі Еўропы: 2018

«Чэлсі»:

Чэмпіён Англіі (2): 2015, 2017
Уладальнік Кубка Футбольнай лігі: 2015

«Атлетыку Мінейру»:

Зноскі

↑ Diego Costa // Transfermarkt — 2000. Праверана 9 кастрычніка 2017.
↑ Diego Costa // As — Madrid: Grupo PRISA, 1967.
↑ Напісанне ў адпаведнасці з партугальска-беларускай практычнай транскрыпцыяй
↑ Diego Costa completes medical ready for £32m move to Chelsea. The Guardian.
↑ Diego Costa completes £32m Chelsea move from Atlético Madrid. The Guardian
↑ Costa deal completed. Chelsea.com
↑ Official: Chelsea sign Diego Costa. Goal.com
↑ «Атлетико» объявил о возвращении Косты, он будет играть под 18-м номером. by.tribuna.com
↑ “Атлетико” объявил о расторжении контракта с Диего Костой. football.by
↑ Диего Коста перешел в “Атлетико Минейро”. football.by
↑ Федерация футбола Испании просит Диего Косту публично заявить о своём выборе. championat.com

Спасылкі

На Вікісховішчы ёсць медыяфайлы па тэме Дыегу Коста
Старонка на афіцыйным сайце «Атлетыка» Мадрыд Архівавана 18 ліпеня 2014.