wd wp Пошук: ⬜

Дзмітрый Піліпавіч Гарбачоў

У Вікіпедыі ёсць артыкулы пра іншых асоб з прозвішчам Гарбачоў. Дзмітрый Піліпавіч Гарбачоў (1919, в. Кузьмінічы,
Добрушскі раён,
Гомельская вобласць — 22 верасня 1944, Румынія) — удзельнік Вялікай Айчыннай вайны, камандзір роты 27-ай гвардзейскай танкавай брыгады (27-я армія, 2-гі Украінскі фронт), гвардыі капітан. Герой Савецкага Саюза (1945).

Біяграфія

Нарадзіўся ў 1919 годзе ў вёсцы Кузьмінічы Добрушскага раёна Гомельскай вобласці.

Да вайны вучыўся ў станіцы Манычскай і працаваў механізатарам у Манычскай МТС Багаеўскага раёна Растоўскай вобласці.

У баях Вялікай Айчыннай вайны з 1941 года. Камандзір роты танкавай брыгады гвардзіі капітан Дзмітрый Гарбачоў вызначыўся 20 жніўня 1944 года падчас прарыву варожай абароны ў раёне горада Ясы (Румынія). Рота знішчыла 3 танкі, 14 гармат, 16 кулямётаў, 18 мінамётаў і шмат гітлераўцаў.

Загінуў 22 верасня 1944 года ў горадзе Турда, Румынія.

Узнагароды

Указам Прэзідыума Вярхоўнага Савета СССР 24 сакавіка 1945 года нададзена званне Героя Савецкага Саюза[2].
Узнагароджаны ордэнам Леніна і медалямі.

Памяць

Імянем героя названыя школа ў станіцы Манычскай і плошча ў раённым цэнтры Растоўскай вобласці — станіцы Багаёўскай[3].
Мемарыяльная дошка ў памяць аб Гарбачове ўсталявана Расійскім ваенна-гістарычным таварыствам на школе ў станіцы Манычская, дзе ён вучыўся.

Зноскі

Спасылкі

Дзмітрый Піліпавіч Гарбачоў на сайце «Героі краіны»

Герои Советского Союза, проживавшие на Дону до Великой Отечетвенной войны Архівавана 14 лютага 2019.
Конкурс «Герои Славы Юга России». Судьба одного человека… Архівавана 4 сакавіка 2016.