Джо́н Ле́нан, пры нараджэнні Джон Уі́нстан Ле́нан, пазней зменена на Джон Уі́нстан О́на Ле́нан (англ.: John Winston Ono Lennon; 9 кастрычніка 1940, Ліверпул, Вялікабрытанія — 8 снежня 1980, Нью-Ёрк, ЗША) — брытанскі рок-музыкант, спявак, кампазітар , гітарыст, піяніст, паэт , акцёр
, грамадскі дзеяч, мастак, пісьменнік. Заснавальнік і ўдзельнік гурта «The Beatles», папулярны музыкант XX стагоддзя.
Джон Ленан нарадзіўся 9 кастрычніка 1940 года а 6:30 падчас налёту нямецкай авіяцыі на Ліверпул. Бацькі — Альфрэд і Джулія Ленаны, Джон быў іх першым і апошнім дзіцём, неўзабаве пасля яго нараджэння Джулія і Альфрэд разышліся.
Калі Джулія Ленан знайшла сабе іншага мужчыну, выхоўвала Джона яго цётка па матчынай лініі Мімі Сміт і яе муж Джордж Сміт, якія не мелі сваіх дзяцей.