wd wp Пошук: ⬜

Двухпялёснік парыжскі

Двухпялёснік парыжскі, літпа[3][4][5][6][7] (Circaea lutetiana) — від травяністых раслін сямейства Скрыпнёвыя (Onagraceae), распаўсюджаны на захадзе Паўночнай Афрыкі, у Еўропе і Азіі.

Апісанне

Шматгадовая расліна 25-70 см. Сцеблы простыя ці уверсе злёгку разгалінаваныя, ля аснавання часам голыя, вышэй, як і хвосцікі лісця, могуць быць густа адхілена-мякка-валасістыя. Лісце яйкападобнае або яйкападобна-ланцэтнае, 3-10.5(12.5) см даўжынёй, доўга завостранае, па краі расстаўлена-дробназубчатае, ля аснавання круглявае або сэрцападобнае, іх хвосцікі не крылатыя, зверху бароздавыя, 1-5 см даўжынёй. Кветкі без прыкветкаў. Пялёсткі ружовыя, радзей белыя, 2.5-3(4) см даўжынёй, глыбока-2-раздзельныя, да аснавання клінавата звужаныя. Плады з амаль роўнымі гнёздамі[7].

Распаўсюджанне

Распаўсюджаны на захадзе Паўночнай Афрыкі, у Еўропе і Азіі [8][9].

Ва Украіне від расце ў цяністых лісцяных, часам іглічных лясах — у лясных раёнах, лесастэпе звычайны, у гарах Крыму [7].

Галерэя

Расліны
Суквецці з кветкамі ў дэталях
Батанічная ілюстрацыя

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 38. — 160 с. — 2 350 экз.
↑ Анненков Н.(руск.) бел. Ботанический словарь, Спб, 1878
↑ Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
↑ Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
1 2 3 Доброчаева Д. Н., Котов М. И., Прокудин Ю. Н., и др. Определитель высших растений Украины. — К., 1987. — С. 207. (руск.) (укр.)
↑ bgbm.org. (англ.)
↑ plantsoftheworldonline.org. (англ.)