Двухпялёснік[3][4] (Circaea) — род кветкавых раслін сямейства Скрыпнёвыя (Onagraceae).
Шматгадовыя травяністыя расліны вышынёй 25—35[5] см, з паўзучым карэнішчам. Сцябло прамое або ўзыходнае, простае ці галінастае. Лісце суцэльнае, супраціўнае, з чаранкамі. Кветкі дробныя, сабраныя ў канцавыя простыя або галінастыя гронкі. Колер кветак белы, ружаваты ці бэзаваты. Плод арэшкападобны, укрыты кручкаватымі валаскамі.
Род налічвае 12[4] (15[6]) відаў, распаўсюджаных ва ўмераных і халодных зонах Паўночнага паўшар’я[4]. Рэлікты тургайскіх лясоў[5]. Растуць у вільготных і цяністых лясах, у ярах, хмызняках, на пнях і калодах[4].
Лекавыя і дэкаратыўныя расліны.