Гі́рава[1] (трансліт.: Hirava, руск.: Гирово) — вёска ў Баранавіцкім раёне Брэсцкай вобласці. Уваходзіць у склад Крошынскага сельсавета. Размешчана за б км на ўсход ад Баранавіч. Насельніцтва 430 жыхароў, 163 гаспадаркі (2005).
Паводле перапісу 1897 годзе ў Дараўскай воласці Навагрудскага павета, дзейнічалі кузня, карчма. Пасля 1905 года пачало дзейнічаць народнае вучылішча, якое размясцілася ў сялянскай хаце.
З 1921 года ў складзе Польшчы, у Дараўскай гміне Баранавіцкага павета Навагрудскага ваяводства.
З 1939 года ў БССР, з 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.
У Вялікую Айчынную вайну з канца чэрвеня 1941 года да 8 ліпеня 1944 года акупіравана нямецка-фашысцкімі захопнікамі. На франтах загінулі 3 аднавяскоўцы.
Да 22 сакавіка 1962 года вёска ўваходзіла ў склад Лаўрынавіцкага сельсавета[2], да 26 чэрвеня 2013 года — у склад Каўпеніцкага сельсавета[3].
У 1970 годзе да вёскі далучана вёска Адахаўшчына III[4].