Каўпе́ніцкі сельсавет — былая адміністрацыйна-тэрытарыяльная адзінка ў складзе Баранавіцкага раёна Брэсцкай вобласці. Адміністрацыйны цэнтр — вёска Малая Каўпеніца.
Утвораны 12 кастрычніка 1940 года ў складзе Навамышскага раёна Баранавіцкай вобласці БССР. З 8 студзеня 1954 года ў складзе Брэсцкай вобласці. З 8 красавіка 1957 года ў складзе Баранавіцкага раёна. 14 сакавіка 1962 года ў гарадскую мяжу Баранавіч уключана вёска Жлобін[1]. 22 сакавіка 1962 года да сельсавета далучана частка скасаванага Лаўрынавіцкага сельсавета (населеныя пункты Адахаўшчына I, Адахаўшчына II, Адахаўшчына III, Бор, Гірава, Дубава, Заброддзе, Лаўрынавічы і Якімавічы)[2]. У 1970 годзе скасаваны вёскі Гірчыцы (злілася з вёскай Новы Свет), Адахаўшчына II (злілася з вёскай Якімавічы) і Адахаўшчына III (злілася з вёскай Гірава)[3]. 27 лютага 1978 года ў склад горада Баранавічы ўключана вёска Баранавічы і частка вёскі Вялікая Каўпеніца[4]. 29 жніўня 2012 года Рашэннем Баранавіцкага раённага Савета дэпутатаў скасавана вёска Анісімавічы[5]. 26 чэрвеня 2013 года сельсавет скасаваны, тэрыторыя далучана да Крошынскага (вёскі Адахаўшчына, Гірава, Дубава, Заброддзе, Лаўрынавічы, Якімавічы) і Сталовіцкага (вёскі Антонава, Вялікая Каўпеніца, Малая Каўпеніца, Новы Свет) сельсаветаў[6].
На момант скасавання ў склад сельсавета ўваходзілі 10 вёсак[7]:
Населены пункт | SOATO | Каардынаты |
---|---|---|
вёска Адахаўшчына | 1 204 826 001 | 53°09′12″ пн. ш. 26°09′13″ у. д.HGЯO |
вёска Антанова | 1 204 826 011 | 53°09′51″ пн. ш. 25°58′29″ у. д.HGЯO |
вёска Вялікая Каўпеніца | 1 204 826 016 | 53°09′44″ пн. ш. 26°02′14″ у. д.HGЯO |
вёска Гірава | 1 204 826 021 | 53°07′43″ пн. ш. 26°05′54″ у. д.HGЯO |
вёска Дубава | 1 204 826 026 | 53°09′23″ пн. ш. 26°06′33″ у. д.HGЯO |
вёска Заброддзе | 1 204 826 031 | 53°08′56″ пн. ш. 26°08′34″ у. д.HGЯO |
вёска Лаўрынавічы | 1 204 826 036 | 53°09′08″ пн. ш. 26°07′49″ у. д.HGЯO |
вёска Малая Каўпеніца | 1 204 826 041 | 53°10′30″ пн. ш. 26°01′39″ у. д.HGЯO |
вёска Новы Свет | 1 204 826 046 | 53°10′54″ пн. ш. 26°03′37″ у. д.HGЯO |
вёска Якімавічы | 1 204 826 051 | 53°09′59″ пн. ш. 26°08′33″ у. д.HGЯO |