wd wp Пошук: ⬜

Генадзь Пятровіч Рылоў

У Вікіпедыі ёсць артыкулы пра іншых асоб з прозвішчам Рылоў. Генадзь Пятровіч Рыло́ў[1] (7 жніўня 1936 — 2001) — вучоны ў галіне пладаводства, доктар сельскагаспадарчых навук (1996), Ганаровы садавод Украіны (1990)[1].

Біяграфія

Нарадзіўся ў вёсцы Куцаўшчына Слуцкай акругі БССР. Скончыў школу і Мар’інагорскі сельскагаспадарчы тэхнікум. Працаваў у Цэнтральным батанічным садзе Акадэміі навук БССР. З 1962 года працаваў у Гродзенскай абласной доследнай станцыі[1]. У 1965 годзе скончыў Усесаюзны сельскагаспадарчы інстытут завочнай адукацыі, у 1987 годзе Ціміразеўскую сельскагаспадарчую акадэмію [1]. У 1976—2001 гадах выкладаў у ПТВ-198 у Шчучыне.

Навуковая дзейнасць

Аўтар навуковых прац па памалогіі і крытэрыях біялагічнай ацэнкі сартоў, селекцыі і інтрадукцыі пладовых і ягадных культур, тэхналогіі стварэння і догляду садоў. Стваральнік буйнейшага ў Беларусі памалагічнага сада ў вёсцы Руткевічы Шчучынскага раёна Гродзенскай вобласці. Напісаў больш за 400 навуковых прац і апублікаваў 22 кнігі[2].

Сярод апублікаванага:

Путешествие за сортом. — М., 1987 (разам з І. В. Сцеркіным);
Груша в Белоруссии. — Мн., 1991;
Саженцы для дачников. (Саженцы вырастим сами). — Мн.: Оракул, 1994 (разам з А. І. Макарэвічам);
Яблоня в вашем саду. — Мн., 1998.

Зноскі

Літаратура

Рылоў Генадзь Пятровіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 13: Праміле — Рэлаксін. — С. 498. — 576 с. — 10 000 экз. — ISBN 985-11-0216-4 (т. 13), ISBN 985-11-0035-8.

Спасылкі

Владимир Иванов Райский сад профессора Рылова (руск.) // Газета «Інфа-Кур’ер», 11 мая 2012.
Іван Ігнатчык Яго сады — яго багацце // Масава-палітычная газета Капыльскага раёна «Слава працы»
Леонид ЕКЕЛЬ Обыкновенная элита (руск.) // СБ. Беларусь сегодня
Краязнаўчы каляндар на 2021 год // Шчучынская раённая бібліятэка імя Цёткі