Генадзь Васілевіч Сарафа́наў[2] (руск.: Генна́дий Васи́льевич Сарафа́нов; 1 студзеня 1942, Сіненькія, Саратаўская вобласць — 29 верасня 2005, Лявоніха, Маскоўская вобласць) — савецкі лётчык-касманаўт, кандыдат тэхнічных навук, палкоўнік (2 верасня 1974), Герой Савецкага Саюза (1974).
Скончыў Балашоўскае вышэйшае ваенна-авіяцыйнае вучылішча лётчыкаў у 1964 годзе. У 1965—1986 гадах у Цэнтры падрыхтоўкі касманаўтаў. 26—28 жніўня 1974 года з Л. С. Дзёміным здзейсніў (як камандзір) палёт на касмічным караблі «Саюз-15». Правёў у космасе 2,2 сутак.