У Вікіпедыі ёсць артыкулы пра іншых асоб з прозвішчам Пруднікаў. Віктар Сяргеевіч Пру́днікаў[1] (руск.: Прудников Виктор Сергеевич; нар. 29 снежня 1949) — вучоны ў галіне ветэрынарыі, доктар ветэрынарных навук (1991), прафесар (1992). Правадзейны член Міжнароднай акадэміі экалогіі.
Нарадзіўся ў вёсцы Куляшова Буда (Рослаўльскі раён, Смаленская вобласць, Расія). Скончыў Віцебскі ветэрынарны інстытут у 1972 годзе па спецыяльнасці «Ветэрынарыя». У 1973—1976 гадах праходзіў навучанне ў аспірантуры і быў асістэнтам кафедры паталагічнай анатоміі і гісталогіі, у 1976—1979 гадах асістэнт кафедры эпізааталогіі, у 1979—1986 гадах асістэнт кафедры паталагічнай анатоміі і гісталогіі, з 1987 года — дацэнт, з 1991 года — прафесар. У 1997—2001 гадах прафесар В. С. Пруднікаў займаў пасаду загадчыка кафедры дробных жывёл і птушак, у 2001—2006 гадах — загадчыка кафедры паталагічнай анатоміі і гісталогіі. У 2006—2007 гадах — дэкан факультэта ветэрынарнай медыцыны. З 2007 года зноў на пасадзе загадчыка кафедры паталагічнай анатоміі і гісталогіі, з 2019 года — прафесар.
Навуковая дзейнасць В. С. Пруднікава ў галіне вывучэння імунамарфалагічных рэакцый у жывёл пры захворваннях, вакцынацыях і ўплыву на іх імунастымулятараў і лекавых прэпаратаў.
Сярод апублікаванага: