.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}
Вяйкэ-Пакры (эст.: Väike-Pakri) — найбуйнейшы востраў архіпелага Пакры ў Эстоніі. Агульная плошча — 13,5 км². Насельніцтва (2017 г.) — 5 чалавек.
Вяйкэ-Пакры знаходзіцца ва ўсходняй частцы Балтыйскага мора за 40 км на паўднёвы захад ад Таліна, сталіцы Эстоніі. На захадзе аддзелены пралівам (каля 530 м) ад другога буйнога вострава Суур-Пакры. На ўсходзе аддзелены залівам Палдыскі (2,7 км) ад горада Палдыскі.
Асновай вострава з’яўляецца вапняковае плато, што ўзвышаецца да 17 м над узроўнем мора. Астатнія часткі складзены асадкавымі пародамі. На поўначы вылучаецца тарфяное балота (болей за 10 га). На поўдні месцяцца 2 невялікіх возера. Славутасць Вяйкэ-Пакры — валун вышынёй 4,5 м і ў акружнасць 21,1 м.
Траціна вострава Вяйкэ-Пакры пакрыта шырокалісцевым лесам, астатняя частка — лугамі і балотам. Характэрныя расліны: бяроза пушыстая, асіна, ядловец звычайны, вольха шэрая, светлыя парэчкі, мякатніца адналістая і г. д. Жывёльны свет прадстаўлены такімі відамі, як гальштучнік, скапа, жаўна, лебедзь-клікун, малая крачка і інш.
Першая пісьмовая ўзгадка пра астравы Пакры з’явілася ў 1283 г., калі Эрык V перадаў іх у маёмасць манахам-цыстэрцыянцам. У 1628 г. Вяйкэ-Пакры перайшоў у валоданне рыжскага немца Томаса фон Рама. Да 1940 г. асноўнае насельніцтва складалі шведы і немцы, якія займаліся рыбалоўствам і жывёлагадоўляй.
Пасля савецкай акупацыі Эстоніі востраў быў перададзены ў армейскія патрэбы. Тут існаваў ваенны гарадок, тэрыторыя вострава выкарыстоўвалася ў якасці палігона.
У 1996 г. разам з іншымі астравамі Пакры быў перададзены ўладам незалежнай Эстоніі. З 1998 г. уваходзіць у склад ландшафтнага запаведніка. На Вяйкэ-Пакры вядзецца абмежаваная эканамічная дзейнасць, сюды наведваюцца турысты.